|مكياج الجامعه والعمل|

أهلا جميلاتي اليوم ان شاء الله اكلمكم عن مكياج الجامعه او الدوام بما انه العام الدراسي بدا -من فتره بس انا تأخرت-

طبعا المكياج صباحي وعشان موضوع رسمي, يعني ما ينفع تروحي اووووفر ! المكياج الصباحي يكون فريش وطبيييعي والهدف منه يظهر جمالك الطبيعي بس بشكل أرتب

نبدي بسم الله 

تأكدي إنك تحطي واقي شمس عشان يحمي بشرتك من الشمس, الشمس هي عامل أساسي في التصبغات اللي تصير بالبشره والحبوب ممتاز بالترطيب والحمايه the face shop  الصغيرة وغيرها. شخصيا استعمل واقي شمس من 

بالمكياج الصباحي اختاري حاجه خفيفه لبشرتك مثل البي بي كريم لأن كثره الفاونديشن مو زينه وممكن تخرب بشرتك .. بي بي 

كريم جارنيير ممتاز لبشرتي, يعطي اشراقه ولمعه صحيه وما يغلق المسام ومناسب للاستخدام اليومي 

الكونسيلر بالنسبه لي خطوه مهمه عشان اخفي آثار التعب وآثار الحبوب ,, اوزع كونسيلر تحت عيني وعلى البقع

هذي خطوه اختياريه ممكن تتجاهلينها

خطوه التثبيت بالباودر اختياريه, فيه بنات يحبون اللوك الديوي وبنات يحبون مات, خذو راحتكم بس انا انصحكم تثبتون منطقه التي زون اللي ممكن تدهن عندكم وايضا تثبتون الكونسيلر تحت العين .. بالنسبه للتثبيت تحت العين فهذي مهمه جدا عشان الباودر يمنع الكحل لو ساح من انه يوصل لخدك هههه تعبير مجازي

البلشر بالنسبه لي خطوه مش مهمه جدا بس اسوي على حسب مودي  ووقتي .. اختيارك للبلشر يكون على حسب بشرتك ما ان كانت جافه او دهنيه وراح اتكلم عن هذا ببوست ثاني وايضا على الفتره ,, يعني الفتره الصباحيه خذي لك بلشر لونه مشمشي يعطي وجهك اشراقه حلوه وايضا ممكن تستعملي الوردي بشكل خفيف على تفاحه خدك

بالنسبه للعين هذا على حسب ما إنتي تحبي ,, ممكن تحطين مسكارا وبس وممكن ايضا ترسمي الكات ايز وغيره . هذا المجال لك ولوقتك :)

وخلصنا ! اتمنى انكم استفدتو واتمنى تتابعو مواضيعي اللي انزلهم وتابعوني على الانستجرام

@_sparklista