بسم الله الرحمن الرحيم ♥

الحمدلله رب العالمين اتممنا سنه ٢٠١٥ ،، فيها دروس وفيها تغييرات وتجديدات وان شاء الله كل شي للاحسن والافضل .. غلطت وتعلمت ،، تمشكلت وصححت المشاكل ،، كبرت سنه ،، واعتقد عقلت ههههه ،، واتمنى انكم حققتو وتعلمتو وانجزتو كل حاجه حلوه بهذي السنه ♥

المهم بدون تأخير ،، مثل ما شايفين بالعنوان تدوينه اليوم راح تكون عن افضل المنتجات بسنه ٢٠١٥ اللي جربتهم ومستعده اخذ منهم زياده .. 

نبدي بمنتجات الوجه .. ♥

فاونديشن بورجوا هيلثي ميكس ، اجمل فاونديشن درج ستور ، صار لي استخدمه فوق السنتين من اول كان علبته بلاستيك وقطعوه ورجعو هذا ،، كفر ميديوم ، ناعم ، ثابت ، وما يجفف البشره او يدهنها زياده ع اللزوم ، جميل جدا وتكلمت عنه بالانستجرام شيكو على الريفيو.. 

بودرات الوجه ،، بودره انجلوت جميله وتغطيتها خفيفه ،، حبيتها بقوووه تمسك الفاونديشن وما تجفف وجهي ،  صايره استخدمها يومي واثبت فيها الكونسيلر تحت عيني .. اما بودره بورجوا من اجمل بودرات الدرج ستور اللي مريت عليهم ،، جميييله ، كفر ميديوم ومتماسكه وثابته طووول اليوم .

بلشر ماركه MUA درجته cupcake ارسلته لي تاجره من فتره طوييله ما اذكر انستجرامها ،، يابنات صايره استخدمه يووووميا ،، نااعم ولونه مشمشي ع بينك يعطي مظهر خفيف وصحي ،، اللون ممتاااز للاستخدام اليومي ويندمج بسرعه ،، مشكلته شوي جاف وممكن يبقع لو ماحطيتي قبله باودر ..

اضاءه ماري لو الغنيه عن التعريف ،، لؤلؤيه وقويه .. كتبت ريفيو مفصل بالانستجرام ببوست ،، وايضا بوست ثاني قارنت الاصلي بالتقليد .. اخذتها من @sama_online 

ماك فيكس بلس،، ما تكلمت عنه بالانستجرام لان علبتي خلصت وما حلوه اصور علبه فاضيه ،، بس معروف وغني عن التعريف .. ممتاز للبشره الجافه يعطي لوك ديوي ،، حلو كآخر خطوه للميك اب يخليه متماسك ويشيل اللوك الباودري .. واكيد اكيد ممتاز للبيجمنت والايشادو اللي تريدي توضحيه .. كتبت تدوينه عن توضيح الايشادو وطرقه (اضغطي هنا)

قلم الحواجب من انستازيا درجه دارك براون ،، صايره استخدمه يوميا وغني عن التعريف ،، يندمج بسرعه ، يعطي لوك ناعم وطبيعي ، نحيف وممكن تسوي شعره شعره وثااابت من سيفورا 

منتجات العين .. ♥

باليت لوراك ،، الباليت الاساسي بنظري للمناسبات والاستخدام اليومي ،، انصح فيه بقووه .. كتبت تدوينه مفصله في الانستجرام واخذته من @saramakeup.online 

الجل لاينرز ،، اولا من انجلوت ،، اسوود وقوي وثابت ،، جربته كم مره وحبيته ، كريمي بقوه .. ثانيا محبوووبي ايلاينر ميبلين ،، اسووود بقوه وثابت وجدا جميل من الدرج ستور ،، متفوق على كثير ماركات بنظري وانصحكم فيه كبدايه للي تريد تجرب الجل لاينر ..

الايلاينر السائل من ميبلين ،، فرشته ثابته ، لونه اسود وثباته حلووو ،، احب استخدمه للدوام وكإستخدام يومي لو ما استعمل جل لاينر ،، ممتاز للسفرات بدل الحوسه ..

مسكارا باد جال لاش من بينيفت ،، وصلتني مع مجموعه ميني ،، فرشتها متينه ملياانه شعر ،، جمييييله جميله حبيتها ،، تكثف وتصير رموشي حلووه وطويله وكثيفه . 

منتجات الشفايف .. ♥

الحمر : 

جيرارد كوزميتيك 1995

ماك rebel 

كولور بوب peacocky اخذته من @lubna_boutique  

فورايفر ٥٢ بدرجاته النيود ممتاز  

محدد ماك soar

الجلوسات : 

جيرارد كوزميتك rose hill / pouty princess 

ذا بالم grrr!

المات ليبستيك :

كولور بوب  bumble

نيكس san paolo 

بالنسبه للمنكيرات اللي استخدمهم فهي اساسيه ،، توب كوت ودرجه نيود اسمها dulce de leche من opi 

ودرجه رمادي من مكياجي انسألت عنها حرفيا كل مره احط المنكير رقمها ١٠٢ .. جدا جميييله وناعمه والمنكير جودته جميله وثابت..

اخيرا العطر اللي عرضت رايي فيه بالانستجرام من لورا مارسييه بالفانيليا ،، ناااعم وصباحي ،، جميل للي يعشقو الفانيلا .. صايره استخدمه يوميييا .. اخذته من الفرات @furat_perfumes 

والشمعتين حبيييتهم جدا فواحات من باث اند بودي ووركس ،، مارشميلو فاير سايد وماري كوكي اللي اعتقد انها ليميتد ماني متأكده .. حلو لو تمرو المحل وتشموهم .. 

وبكذا خلصنا مفضلات ٢٠١٥ ،، الحمدلله ،، اتمنى استفدتو وما طولت عليكم .. احبكم

تفاصيل الريفيوهات بإنستجرامي  (_sparklista) 

انتهى ♥

| ٤ طرق لتوضيح الايشادو ♥ 4ways for bright eyeshadows |

السلام عليكم ورحمة الله وبركاته ♥ 

تدوينه اليوم عن طرقي في توضيح لون الايشادو .. كل الطرق تنفع وشغاله ميه ميه بس عاد عليكي انتي والاغراض المتوفره معك :) 

استعملت باليت اخذته اختي من موقع asos البريطااني .. الوانه باهته وراح اوريكم ايش ممكن نسوي عشان نوضح الالوان  ♥

اول الطرق واسهلها هو الكحل ،، بكل الوانه،، تحطي الكحل كبيس على الجفن وتدمجيه عدل عدل بأصابعك او بالفرشاه وتالي تحطين فوقه الايشادو .. 

استخدمت كحل بورجوا contour clubbing  بدرجه 41 black party جدا جمييييل وكريمي وثابت ♥

ثاني طريقه بعد سهله وهي كونسيلر تحت الايشادو ،، ادمجي اي كونسيلر عندك ع الجفن وتالي ايشادو ♥

استخدمت عجلة الكونسيلر من فورايفر٥٢ وصلتني من تاجره : zahrat_allouts@

الطريقه الثالثه هي الفيكس بلس من ماك ،، ممكن تستخدمي بعد قطره العين عادي ،، ترشي ع الفرشاه وبعدها تغمسي الفرشاه في الايشادو ،، اوالعكس ، اخذي الايشادو ع الفرشاه وبعدها رشي فيكس بلس والنتيجه تجنن وجدا وااااضحه ♥

اخر طريقه هي البرايمر المخصص للعين ،، وممكن بعد بيس خاص للعين ،، هذي منتجات صريحه ع انها تمسك الايشادو طول اليوم وتوضح لونه بشكل جدا جميل ،، تحطي البرايمر او البيس ع الجفن وتالي تحطي الايشادو وشوفي النتيجه  ♥

كل الطرق تعطي تقريبا نفس النتيجه بس احس شخصيا الفيكس بلس في الصداره ! اللحين صار ممكن نستفيد من باليتات الايشادو اللي جودتها ما حلوه بدل لا نرميها وما نستعملها ♥ 

انتهى ♥

| ريفيو لجهاز التنظيف كلاريسونيك ♥ Calrisonic Review |

السلام عليكم ورحمه الله وبركاته ♥

تدوينه اليوم هي التدوينه المنتظره من ٣ شهور وحاجه تقريبا !  راح اتكلم عن جهاز كلاريسونيك المشهور اللي اشتهر اكثر حاجه السنه الماضيه وسبب ثوره كبيره .. ♥ 

اولا، نبذه بسيطه عن كلاريسونيك: جهاز تنظيف كهربائي للوجه وممكن للجسم ، الجهاز فرشته تعمل بالذبذبه مش بالدوران وراح افصل الموضوع هذا،، ينظف البشره بعمق مع تقشير لطيف وازاله الخلايا الميته بمده عمل ٦٠ ثانيه، ويستعمل مرتين في اليوم او مره ،، كما ان الشركه تزعم انه ينظف البشره ٦ مرات احسن عن تنظيف ليد العادي♥ 

الجهاز: ضد الماء ينفع تستعمليه في الشاور ، شحنه يضل اسبوع وشي مع الاستخدام اليومي ، يتوفر بعده انواع ميا وميا ٢ واريا وغيرهم ،، تحصلونهم عند التاجرات او بسيفورا .. اخذت ميا من ساره ب ٥٥ ريال (@sara_makeuponline)

الفرشه : بالنسبه للفرشاه فهي الجزء الوحيد اللي لازم تاخذي باعتباره كونها لازم تتغير كل ٣ شهور، الفرشاه مهما اعتنيتي فيها ونظفتيها تقدم وتتوسخ وممكن تأذيك لذلك تحطي ببالك انك بتصرفي مبلغ لفرشاه جديده كل ثلاث شهور .. 

بالنسبه لشغل الفرشاه فهي جزئين، الجزء الداخل يعمل بالذبذبه عشان ينظف البشره عددل والمسامات بدل الدوران في اتجاه واحد، اما الجزء الخارجي فهو ثابت عشان ما تعتفس الدنيا كلها ماي وغسولك .. وشعر الفرشاه دقيق جدددا يسمح لها تنظف المسامات بشكل اكبر .. 

اول ما تاخذي الجهاز تطلع الفرشاه للبشره الحساسه ، وفيه عاد انواع متعدده من الفرش تشتريها على حده ، للمسامات والبشره الحساسه والبثور والعاديه.. تحصلون الفراشي عند التاجرات او بسيفورا ، اخذت فراشي الحبوب  فرشتين ب ٢٦ ريال من المزروعيه (@almazroia)

الصوره هذي توضح فرشه عمرها ٣ شهور وفرشه جديده فريش << فرق

 

تجربتي بعد ٣ شهور متواصله من الاستخدام :

استخدمتها يوميا، مره او مرتين على حسب حاجتي بغسول كلاريسونيك اوغسولي الاعتيادي، تنظيفه بالفعل عمييييق ويشيل كامل الاوساخ وبقايا المكياج ،، لما امرر قطن مع تونر بعد ما استخدم كلاريسونيك ما اشوف اي بقايا للميك اب ،، اما لما اكسل وما استخدمها وامرر تونر تطلع بقايا الميك اب واضحه على القطن .. تصغر المسامات بشكل ملحوظ وتحسن من البشره نفسها.. صرت ما استغنى عنها لااازم بروتيني موجوده واحس فيه حاجه ناقصه لو ما استخدمتها ولما اسافر معاي، قويه وتتحمل الصدمات لما تطيح علي احيانا، وطبعا اهم حاااجه ضد الماي ♥ 

اخذت ميا ١ شخصيا لان بشرتي ما تتحمل سرعه اكثر ،، اختاري الجهاز اللي يناسب بشرتك ! 

ايضا نقطه واحده ! اللي هي الكلاريسونيك تستخدم اساسا لتنظيف البشره مش الميك اب ،، لا تخربو الفرشه بسرعه بسبب هذا الموضوع .. شيلي الميك اب بمزيل ميك اب وبعده استخدمي كلاريسونيك عشان تحصلي فايدتها بدل لا تكون اله تنظيف مكياج ♥ 

كلاريسونيك بالفعل جهاز روعه ويستحق كل الثوره اللي صارت حوله والمشاهير اللي مدحوه وغيرهم .. انصح فيه خاصه لتنظيف البشره بعد الميك اب الثقيل او الفاونديشنات اللي تكتم البشره وممكن تسبب حبووب ..

وخلصنا كامل الموضوع ،، اعذروني ع التآخير واتمنى استفدتو من التجربه .. حطو ارائكم وتجارب كلاريسونيك هنا او بالانستجرام عشان الباقي يستفيد مع ذكر نوع جهازك ،، واي استفسار انا موجوده بالسناب والانستا والايميل وهنا .. احبكم 

انتهى ♥ 

|هل يستحق مقشر فرانك كل هالضجه ؟ ?frank scurb, is it worthing the hype|

السلام عليكم ورحمه الله وبركاته ♥

تدوينه اليوم ان شاء الله راح تكون عن مقشر القهوه الشهير فرانك 

نبذه خفيفه عن المقشر : مقشر طبيعي من القهوه المطحونه ممزوج مع زيت اللوز الحلو وفيتامين E والملح وبعض المكونات الاخرى .. 

بلد المنشأ : استراليا 

القهوه تستهدف : علامات التمدد، السليوليت ، علامات حب الشباب والبقع الداكنه والاكزيما 

انواعها : بالموقع تتوفر عده انواع اولها الاوريجنال و عاد فيه نكهات مثل النعناع والكاكاو وجوز الهند مع بذور العنب

• original
• peppermint
• cacao
• coconut & grapeseed

اخذت الاوريجينال من موقع فرانك نفسه frankbody.com

ونوصل لرأيي ف القهوه وهل تستحق الفوضه اللي صارت حولها ! 

استعملت القهوه مده اسبوع يوميا مره او مرتين احيانا لوجهي فقط، واستهدفت المناطق اللي عندي فيها علامات الحبوب وما راضيه تنشال .. اللي اسويه، ابلل وجهي وادلك القهوه مده دقيقه واتركها ١٠ دقايق وبعدها اغسلها.

كنتيجه فوريه تحسي بنعووووومه خياليه ! يعني كأنك حاطه مرطب بوجهك وهذا بسبب الزيوت اللي موجوده بالقهوه وايضا التقشير يشيل الجلد الميت. 

اما كنتيجه بعد اسبوع من الاستعمال تفتحت العلامات اللي عندي وانشال جزء منها ، وهذا انجاز كبير طبعا

المهم احب اعطيكم نقاط لو بتشتروها وتجربوها :

• لو كنتي كسوله وما راح تداومي عليها لا تاخذيها لأنك مابتستفيدي 
• لو ما عندك علامات او بقع او مشاكل في بشرتك لا تاخذيها واستعملي اي مقشر عادي لازاله الجلد الميت 
• لو كنتي بتاخذيها لازم تصبري على النتيجه وتصبري ١٠ دقايق يوميييا عشان تشوفي نتيجه مرضيه
• لو كانت بشرتك حساسه حطي القهوه ع جزء بسيط من جسمك وبعدين عاد تجربيها على وجهك
• لازم تبللي وجهك عشان ما تطيح القهوه وايضا لانها خشنه وممكن تخدشك ،، وحاولي تدلكي برقه بلا مضارب ومصافع 

وبس! اتمنى افدتكم على السريع .. اذآ سؤال البوست ،، هل يستحق فرانك كل الفوضه ؟ 

الجواب ، نعم وبشرووط 

اي استفسارات اكتبوها بالكومنت او بالانستجرام على صوره البوست او بالدايركت او سناب شات او اي مكان ههههه 

احبكم .. سباركليستا

انتهى  ♥

|| طريقة التسوق من موقع asos ||

بسم الله الرحمن الرحيم

قبل فتره اخذت من موقع ايسوس غرضين بوقت التنزيلات وذكرت الموضوع على السناب شات ،، تلقيت بعده اسئله كثييره عن كيفيه الطلب من هذا الموقع .. طريقه سهله جدا وراح اعلمكم اياها بالخطوات

اولا.. ايسوس asos عباره عن موقع بريطاني يعرض احدث واجد الازياء والفاشن والاكسسوارات والمواد التجميليه .. الموقع يحتوي على حوالي ٨٥٠ ماركه مشهوره ومسجله .. الموقع يستهدف فئه الشباب ولذلك نشوف فيه احدث مقتنيات الموضه .. جميع السلع اللي تباع اصليه ١٠٠٪  ..

ثانيا.. الموقع بالنسبه لي من متوسط الى عالي .. تختلف الاسعار وتختلف الاراء وايضا ميزانياتك انتي .. افضل لك تاخذي بأوقات التنزيلات لو حابه كميات كبيره من السلع

بسم الله نبدي الخطوات للشراء .. هذي واجهه الموقع asos.com

..

اولا يفضل انك تسجلي في الموقع عشان بعدين ما يخربطك ويسألك انك تسجلي وووو .. التسجيل سهل جدااا ،، ما راح اشرحه لانه مجرد بيانات اساسيه وشخصيه

..

لو عجبتك اي سلعه في الموقع تضغطي على اضافه للسله او add to cart

..

لما تخلصي متسوقه تروحي للكارت او سله التسوق shopping cart وراح تحصلي كل اللي تم اختياره مسبقا من قبلك .. ممكن تحذفي او تعدلي السله بكيفك ..

بعدين لما تنتهي من التسوق وخلاص بتدفعي تضغطي على pay securely now

..

راح يطلب منك تسجيل الدخول مره ثانيه

..

بعدها نوصل لآخر خطوه اللي هي التاأكيد والدفع وطبعا الشحن .. 

..

الشحن خيارين ،، بحدود ريالين  وراح يوصل بعد ٣ اسابيع ،، او تدفعي ٣٦$ ،، تقريبا ١٤ ريال عشان يوصلك اسرع 

شخصيا ما استعجل ع الاغراض ف خليتهم بالستاندرد ،، بيوصلون غصب بالنهايه ههه 

تحت اخر حاجه عندك الدفع .. تختاري طريقه الدفع ،، انا طريقتي دفع ب paypal وراح اتكلم عنها بتدوينه منفصله ان شاء الله 

..

انوه لكم ان الدفع ممكن يكون ببطاقه سحب البنك الاعتياديه اللي كلكم عندكم اياها ،، ما يحتاج ماستر كارد ف التسوق ولا خرابيط ثانيه مثل بطاقات الائتمان اللي عذبونا عليها بنك مسقط الموقر>>> زين لو احد منهم يشوف البوسست هههه

..

واخر حاجه تضغطي على place order ،، بينسحب منك المبلغ يوصلك ايميل انك اشتريتي وكذا ،، بعد كم يوم يرسلو ان اغراضك تم ارسالها لك ،، طبعا هذا كامل بإيميلك بيصير ،، وبعد فتره بيوصلك الباكيج على البريد الالكتروني وعليك بألف ألف عافيه

بالفتره الماضيه ايسوس عمل تنزيلات ٧٠٪  خبرتكم عنها بالسناب شات وهذي فرصه حلوووه وقلت عاد اجرب واخذ كم غرض ،، خذيت 

حقيبه من ماركه ايسوس نفسها و٣ سلاسل ب٣ الوان

..

الحقيبه ب ١٠.٧٦ باوند يعني ٦.٥ ريال عماني بعد التنزيلات

جودتها روعه وصغيره ميني ،، تلبس ع الكتف او كروس بودي cross body  حبييتها

..

السلاسل او القلوب ٣ مع بعض خذيتهم ب ٣.٥٩ باوند يعني ريالين بعد التنزيلات وبعد الجوده حلووه ورقيييقات تنفع هدايا بين الصديقات وكذا حركات << ما نشمل صديقاتي طبعا

..

وبس ! خلصنا المووضوع .. كنت اريد احط اسئله البنات بآخر بوست بس راح يصير ممل وما حلو ،، لذلك راح افصل الاسئله بتدوينه ثانيه واجاوب عنها بشكل واااافي ان شاء الله .. لذلك لو عندكم اي اسئله او استفسارات اكتبوها تحت او ارسلوها على ايميلي او الدايركت بالانستجرام وراح اجاوبكم واخذ اسئلتكم عشان اعرضها بعدين للكل بالتدوينه الجديده وشككرا ..

احبكم

 e-mail: sparklista@hotmail.com

Instagram : _sparklista

انتهى..