السلام عليكم

اليوم ان شاء الله اعلمكم كيف تصنعو منظم للسلاسل.. اول مره اصنع حاجة كذا بس حبييت النتيجه وحبيت اشارككم فيها.

اولا الادوات اللي استعملتها:

1.   فريم صوره قديم << على ذوقك

2.   طبق فلين لين او اسفنج على حسب الموجود

3.   قماش ابيض

4.   جليتر ذهبي وفضي << على ذوقك وتنسيق غرفتك

5.   غراء

6.   طلاء اظافر ابيض او صبغ ابيض

7.   طلاء اظافر شفاف م تستعمليه

8.   مسامير

9.   تعليقات اللي راح نعلق السلاسل فيها

10.                 لصق سولوتيب و لصق مسدس

الخطوة الأولى: غطيت الجزء المزهر ف الفريم ب صبغ ابيض، انا استخدمت طلاء اظافر ابيض

الخطوه الثانيه: بعد ما جف اللون الابيض حطيت غراء ووراه وزعت الجليتر الذهبي والابيض ( خلطت الاثنين عشان يطلع اللون اهدى)

الخطوه الثالثه: بعد ما جف الغراء قلبت الفريم عشان يطيح الجليتر الزايد وعدت على الاماكن اللي ما وصلها جليتر وبعده حطيت منكير شفاف ما احتاجه عشان اثبت الجليتر وما يطيح

الخطوه الرابعه: قصيت الفلين اللين ما اعرف وش اسميه على نفس قياس الفريم وبعده غطيته عدل بالقماش الابيض>> مش انا خخ اخوي ساعدني

الخطوه الخامسة: ف الخشب (يطلع اساسا ورا الفريم) حددت الاماكن اللي اخرم فيهم عشان اثبت العلاق اللي راح تتعلق السلاسل عليه بعدين. وبعده خرمت وثبتت العلاق.. العلاقات جبتهم من زينة قديمه . ممكن تستعملي علاق تسريحه قديم او درج وممكن ما تستعملي علاق بمسامير عادي تلصقين اي غطا او حاجه بنفس الشغله

ملاحظه مهمه :الفلين اللين والخشب الصقيهم ببعض بلصق مسدس بعد ما تثبتي العلاق

الخطوه السادسه: حطيت الفلين اللين داخل الفريم وتأكدت انه متثبت عدل عشان ما يطيح مستقبلا، دقيت كم مسمار يوصل من الفريم ل الفلين وخلاص

والنتيجه النهائيه كذا،، مش شغل احترافي بس نمشي الحال ونصنع بنفسنا اشياء مفيده ممكن تزيدي العلاقات او تغيري الالوان او ترسمي حاجه في القماش الابيض ،، كل شي بذوقك!، حطيت السلاسل الذهبيه وحدهم والفضيه وحدهم وراح اثبتها بالجدار .

 اتمنى استفدتو وخذيتو كم فكره،، اللي تصنع مثله ترسل الصوره وبعرضها ان شاء الله،، خبروني لو تحبو مواضيع مثل هذي مستقبلا..

انتهى...

For Inquiries contact me 

E-mail:

sparklista@hotmail.com

or 

Direct Instagram:

_sparklista

Thank You !

| روتين العناية بالشعر بعد غسيله |

بسم الله الرحمن الرحيم

اليوم ان شاء الله راح أتكلم عن روتين شعري بعد الشاور او غسيله . صار لي حوالي شهرين ثابتة على الروتين هذا ومرة عاجبني ومرتاحة عليه .

بداية, بالنسبة لي اغسل شعري بالمساء وانام , كذا اريح لي وأيضا لما اصبح الصبح شعري يكون مرتب بالطرية اللي احبها وراح اعلمكم كيف ..

أيضا, نادرا اجفف شعري بالمجفف ,, غالبا اخليه يجف بالفوطة وبعدها بالهواء العادي .. الا لو مستعجله عليه استعمل المجفف

راح أتكلم عن كل حاجه بالترتيب وبالتفصيل

المنتجات

تكلمت عن لوشن عياده كايا للقشرة بالتدوينة السابقة .. بعد ما اشيل الفوطة ادلك اللوشن على فروة الرأس كامل, ريحة نظافة وأيضا شعور بالبروده مع تخفيف القشرة للي يعانون منها

بعدها لكامل شعري اخلط سيرومين .. أحيانا اخلط معهم كريم شعر عادي بس غالبا استعمل الاثنين هذول ..

اليمين سيروم بالمرز عشان الشعر ما يكون منفوش او جاف وفيه حماية والوفيرا وفيتامين E  الشعر يصير لامع وصحي

اليسار سيروم من THE FACE SHOP بزيت الارجان .. روووعه للشعر التالف والتعبان ..

اركز بالسيرومين على اطراف شعري اكثر ..

بعد ما اخلص كل اللي فوق تكون في شعري رطوبة خفيفه متبقيه .. مش جاف ولا رطب ماي .. عاد هنا اعمل BIG HIGH BUN

هذي بالمختصر كعكوعه على كلامنا احنا بس فوووووق  الراس بقدر ما تستطيعي .. انا انكس راسي واجمع شعري كامل واسرحه شوي واسوي الكعكوعه فوووق واخليه كبيره مش على بعضها متكركبة .. واروح انام :)

زي الصورة هذي

لما اصحى الصباح شعري يكون لامع ومن الجذور الى قرب الأطراف ستريت سيييده وقرب الأطراف يكون ويفي متجانس وحلو ,, زي الصووورة بلا حراره واجهزه بلا خرابيط

أتمنى وصلتكم الفكرة .. جربوها وادعولي :)

وخلصنا الموضوع

أتمنى الكل استفاد .. اكتبي اسئلتك او تعليقاتك بالكومنت لو حابة او الانستجرام

_sparklista

تمت...