|| طريقة التسوق من موقع asos ||

السبت، 23 مايو 2015

بسم الله الرحمن الرحيم

قبل فتره اخذت من موقع ايسوس غرضين بوقت التنزيلات وذكرت الموضوع على السناب شات ،، تلقيت بعده اسئله كثييره عن كيفيه الطلب من هذا الموقع .. طريقه سهله جدا وراح اعلمكم اياها بالخطوات



اولا.. ايسوس asos عباره عن موقع بريطاني يعرض احدث واجد الازياء والفاشن والاكسسوارات والمواد التجميليه .. الموقع يحتوي على حوالي ٨٥٠ ماركه مشهوره ومسجله .. الموقع يستهدف فئه الشباب ولذلك نشوف فيه احدث مقتنيات الموضه .. جميع السلع اللي تباع اصليه ١٠٠٪  ..

ثانيا.. الموقع بالنسبه لي من متوسط الى عالي .. تختلف الاسعار وتختلف الاراء وايضا ميزانياتك انتي .. افضل لك تاخذي بأوقات التنزيلات لو حابه كميات كبيره من السلع




بسم الله نبدي الخطوات للشراء .. هذي واجهه الموقع asos.com


..
اولا يفضل انك تسجلي في الموقع عشان بعدين ما يخربطك ويسألك انك تسجلي وووو .. التسجيل سهل جدااا ،، ما راح اشرحه لانه مجرد بيانات اساسيه وشخصيه
..



لو عجبتك اي سلعه في الموقع تضغطي على اضافه للسله او add to cart


..
لما تخلصي متسوقه تروحي للكارت او سله التسوق shopping cart وراح تحصلي كل اللي تم اختياره مسبقا من قبلك .. ممكن تحذفي او تعدلي السله بكيفك ..

بعدين لما تنتهي من التسوق وخلاص بتدفعي تضغطي على pay securely now


..

راح يطلب منك تسجيل الدخول مره ثانيه


..
بعدها نوصل لآخر خطوه اللي هي التاأكيد والدفع وطبعا الشحن .. 


..
الشحن خيارين ،، بحدود ريالين  وراح يوصل بعد ٣ اسابيع ،، او تدفعي ٣٦$ ،، تقريبا ١٤ ريال عشان يوصلك اسرع 
شخصيا ما استعجل ع الاغراض ف خليتهم بالستاندرد ،، بيوصلون غصب بالنهايه ههه 

تحت اخر حاجه عندك الدفع .. تختاري طريقه الدفع ،، انا طريقتي دفع ب paypal وراح اتكلم عنها بتدوينه منفصله ان شاء الله 


..
انوه لكم ان الدفع ممكن يكون ببطاقه سحب البنك الاعتياديه اللي كلكم عندكم اياها ،، ما يحتاج ماستر كارد ف التسوق ولا خرابيط ثانيه مثل بطاقات الائتمان اللي عذبونا عليها بنك مسقط الموقر>>> زين لو احد منهم يشوف البوسست هههه
..

واخر حاجه تضغطي على place order ،، بينسحب منك المبلغ يوصلك ايميل انك اشتريتي وكذا ،، بعد كم يوم يرسلو ان اغراضك تم ارسالها لك ،، طبعا هذا كامل بإيميلك بيصير ،، وبعد فتره بيوصلك الباكيج على البريد الالكتروني وعليك بألف ألف عافيه




بالفتره الماضيه ايسوس عمل تنزيلات ٧٠٪  خبرتكم عنها بالسناب شات وهذي فرصه حلوووه وقلت عاد اجرب واخذ كم غرض ،، خذيت 
حقيبه من ماركه ايسوس نفسها و٣ سلاسل ب٣ الوان

..


الحقيبه ب ١٠.٧٦ باوند يعني ٦.٥ ريال عماني بعد التنزيلات
جودتها روعه وصغيره ميني ،، تلبس ع الكتف او كروس بودي cross body  حبييتها




..


السلاسل او القلوب ٣ مع بعض خذيتهم ب ٣.٥٩ باوند يعني ريالين بعد التنزيلات وبعد الجوده حلووه ورقيييقات تنفع هدايا بين الصديقات وكذا حركات << ما نشمل صديقاتي طبعا



..


وبس ! خلصنا المووضوع .. كنت اريد احط اسئله البنات بآخر بوست بس راح يصير ممل وما حلو ،، لذلك راح افصل الاسئله بتدوينه ثانيه واجاوب عنها بشكل واااافي ان شاء الله .. لذلك لو عندكم اي اسئله او استفسارات اكتبوها تحت او ارسلوها على ايميلي او الدايركت بالانستجرام وراح اجاوبكم واخذ اسئلتكم عشان اعرضها بعدين للكل بالتدوينه الجديده وشككرا ..
احبكم


Instagram : _sparklista


انتهى..


هناك تعليق واحد:

 
site design by designer blogs