| shop from amazon! طريقة التسوق من أمازون |

الثلاثاء، 31 مايو 2016

السلام عليكم ورحمه الله وبركاته   

بهذي التدوينه بتكلم عن موقع امازون وطريقة الطلب منه .. السؤال اللي داايما تكرر علي من اول ما بديت اشرح عن التسوق اونلاين،، ف اتمنى يفيدكم وشرحي يكون بسيط وسهل ! 💪🏽

amazon.com


بالبداية راح تحتاجو اساسيات مهمه جدا ولاااازم تكون متوفره

١- ايميل .. اهم حاجه تقريبا انا اشوفها .. هو طريقه تواصل المواقع معك وعلشان تكونو عارفين اذا المبالغ انسحبت او الموقع شحن المنتج وغيره .. استخدمو ايميل واحد ويا حبذا لو تربطوه بجوالاتكم.. 

٢- بريد امريكي.. فيه كثير شركات توفر خدمات البريد العالميه ضمنها بريد امريكي وبريطاني وغيره.. خدمات مثل  myus/shop and ship/ world ship وغيرهم .. انا حاليا استخدم شوب اند شيب.. لو كنتو بتشحنو اغراض من اكثر من متجر افضل لكم تاخذون ورلد شيب او ماي يو اس لانهم بيرتبون الاغراض بكرتون واحد وبيوفر عليكم المبلغ .. 

البريد الامريكي وشركات الشحن موضوع جدا كبير بس ابدا ابدا ما صعب.. ما اقدر اشرحه بس راح احط لكم موقع وفيه طريقه فتح حساب لهذي الشركات وان شاء الله تستفيدو .. مدونه هناء مشروح فيها شرح مفصل وبسيط جدا .. 






لما يكون اللي فوق جاهز ،، كل حاجه بتمشي زين للي تحت 💕.. يالله بسم الله وهذي الواجهه لأمازون وعند شريط البحث ابحثو عن المنتج اللي تريدونه .. انا راح اطلب بور بنك انكر عليه تخفيض ممتاااز 😆(اساسا طلبته بس علشان اوريكم خطوات حقيقيه) بحط لكم الرابط تحت مع صوره المنتج لما استلمته 😍 




بعد ما القى المنتج واختاره راح اضغط على add to cart (اضافه لسله التسوق) 




فوق يمين موجوده cart وهي سله التسوق .. لو تضغطو عليها تلقو كل الاغراض اللي انتو طلبتوها .. 
بعد ما تخلصو كل اللي انتو تريدونه وخلاص مستعدين للدفع اضغطو على proceed to checkout



اللحين امازون راح يطلب منكم تسجلو عندهم .. لو كنتو مسجلين بس حطو الايميل والباسوورد نفس ما انا حطيت بالصوره .. اما لو كنتو بتفتحو حساب جديد فاضغطو على create your amazon account  



راح ياخذكم على صفحه التسجيل وعاد انتو تعبو نفس البيانات بالصوره (الاسم-الايميل-الباسوورد-تأكيد الباسوورد) بعد ما تخلصو اضغطو على create your amazon account 



راح ينقلكم اللحين لصفحه خيارات الشحن .. اللحين هنا راح تستخدمو البريد الامريكي وتعبو كل البيانات اللي عطوكم اياها شركه الشحن اللي موضحه بالصوره ( شركه الشحن راح تعطيكم هذي البيانات لا تكتبو عناوينكم الخاصه ببلدكم!) لما تخلصو اضغطو على ship to this adress 



راح ينقلكم مره الى صفحه خيارات الشحن علشان تختارو ايش نوع الشحن .. هل الستاندرد الاعتيادي (تقريبا ٥ ايام بس هو الارخص ) او شحن يومين او شحن يوم واحد وهو الاسرع بس له سعر ✋🏿.. 




واخيرا الدفع .. ما عندهم الدفع ب باي بال لذلك عبو باستخدام بطاقاتكم .. البيانات اللي تحتاجوها هو رقم البطاقه (اللي فوق) وتاريخ انتهاءها ومن ورا البطاقه الرقم السري يجي ٣ ارقام فقط .. وبس 🤗



اخر خطوه انكم تراجعو كل حاجه سويتوها بالخطوات السابقه العنوان والشحن وطريقه الدفع وكذا .. بعد ما تتأكدو ان كل شي صح اضغطو place your order وراح ينسحب المبلغ وتتم العمليه والحمدلله خلصنا 😻.. 



عاد لما توصل الشحنه لمقر شركه الشحن بأمريكا راح يرسلو لك ايميل على اساس انكم تدفعو مبلغ الشحن عشان يرسلو الشحنه لبلدكم .. تروحو وتدفعو من موقع شركه الشحن ويرسلو لكم الشحنه وخلاص ( شرح هذا الجزء ضمن شرح البريد الامريكي الرابط فوق) 👆🏻


وبكذا خلصنا شرح امازون الحمدلله ،، لو فيه اي سؤال او استفسار انا حاضره ارسلو لي بالاسك او الانستا او هنا او الايميل بكيفكم 🤓..


اللحين البور بنك اللي اخذته كان عليه تخفيض ٤١٪ ونزل سعره من ١٧ ريال عماني الى ١٠ ريال عماني .. 
هذي صورته .. القوه مدري ويش اسمها  13000 ومن ميزاته انه يشحن الايفون ٦ خمس مرات وسامسونج جالكسي اس ٦ ثلاث مرات ونص .. فيه تقنيه الشحن السريع .. وحجمه صغير نسبيا وغيره من الميزات شوفوه ع الرابط العرض لسه موجود لو حابين فرصتكم تاخذوه 👌🏻.. يجي معاه الضمان والكيبل وحقيبه للحفظ .. 




http://www.amazon.com/Anker-PowerCore-13000-Portable-Charger/dp/B00Z9QVE4Q?ie=UTF8&psc=1&redirect=true&ref_=oh_aui_detailpage_o00_s00


وبس .. اتمنى انكم استفدتو .. اللي تطلب تزود لي ههههه .. امزح ☹️ وتابعوني على الانستجرام والتويتر والسناب وكل مكاان وخلاص واحبكم 



انتهى 

instagram : _sparklista
twitter : misssundus
snapchat: only via DM on instagram

هناك تعليق واحد:

  1. اختي اذا طلبت كم منتج من امازون بينشحنوا كلهم مع بعض ف شوب اند شيب؟

    ردحذف

 
site design by designer blogs