♥ السلام عليكم ورحمه الله وبركاته
زمااان عن المدونه ☹️ اليوم راح اعرض رأيي عن سيروم الليل من كيلز .. midnight recovery concentrate
اولا مزاعم الشركه ان السيروم راح يجدد ويصلح بشرتك بحيث تصير انعم واملس وتظهر صحيه بحلول الصباح 💕
السيروم يحتوي على زيوت عطريه مختصه بالبشره واللي تقوم بمزاعم الشركه مثل اللافندر وزهره الربيع والسكوالين .. خالي من البرابين ..
استخدمت الزيت لأكثر من ثلاث شهور يوميا بالليل كأول خطوه بعد التونر وعلى وجه نظيف .. احط منه ٥-٦ قطرات واطبطب على وجهي وبعدها اضغط بيدي على وجهي علشان الحراره اللي بتطلع راح تساعد البشره تمتص المنتج اسرع .. بعدها اكمل روتيني من مرطب وعلاجات ثانيه ..
تجربتي: بالفعل على المدى القصير اول ما اصحى الصبح بشرتي فيها نضاااره وصحيه ومليانه كأني مكثره ماي💦 .. المسامات شبه مخفيه .. بشكل عام تصير نديه ولينه وصحيه ،، على المدى الطويل .. الليونه والمظهر الصحي موجود بس لازززم الاستمرااار 👌🏻 ..
هل انصحكم فيه .. ايوه اذا ما عندكم سيروم او زيت ليلي لأنه مهم جدا بروتينك .. وايضا اذا كانت بشرتك محتاجه نضاره وحيويه .. جدا جميل ..
اخذت السيروم من موقع نوردستروم بسعر ٤٦$ تقريبا ١٨ ريال .. سعره غالي شوي بس يبقى معك فتره طوويله ..
رابط السيروم ..
اتمنى استفدتو من الريفو المبسط واشوفكم ان شاء الله بتدوينه قادمه
انتهى
♥
instagram : _sparklista
store: sparklista_store
