♥ السلام عليكم ورحمه الله وبركاته  

زمااان عن المدونه ☹️ اليوم راح اعرض رأيي عن سيروم الليل من كيلز .. midnight recovery concentrate 

اولا مزاعم الشركه ان السيروم راح  يجدد ويصلح بشرتك بحيث تصير انعم واملس وتظهر صحيه بحلول الصباح 💕

السيروم يحتوي على زيوت عطريه مختصه بالبشره واللي تقوم بمزاعم الشركه مثل اللافندر وزهره الربيع والسكوالين .. خالي من البرابين .. 

استخدمت الزيت لأكثر من ثلاث شهور يوميا بالليل كأول خطوه بعد التونر وعلى وجه نظيف .. احط منه ٥-٦ قطرات واطبطب على وجهي وبعدها اضغط بيدي على وجهي علشان الحراره اللي بتطلع راح تساعد البشره تمتص المنتج اسرع .. بعدها اكمل روتيني من مرطب وعلاجات ثانيه ..

تجربتي: بالفعل على المدى القصير اول ما اصحى الصبح بشرتي فيها نضاااره وصحيه ومليانه كأني مكثره ماي💦 .. المسامات شبه مخفيه .. بشكل عام تصير نديه ولينه وصحيه ،، على المدى الطويل .. الليونه والمظهر الصحي موجود بس لازززم الاستمرااار 👌🏻 ..

هل انصحكم فيه .. ايوه اذا ما عندكم سيروم او زيت ليلي لأنه مهم جدا بروتينك .. وايضا اذا كانت بشرتك محتاجه نضاره وحيويه .. جدا جميل .. 

اخذت السيروم من موقع نوردستروم بسعر ٤٦$ تقريبا ١٨ ريال .. سعره غالي شوي بس يبقى معك فتره طوويله .. 

رابط السيروم ..

http://adf.ly/1ezwNp

اتمنى استفدتو من الريفو المبسط واشوفكم ان شاء الله بتدوينه قادمه 

انتهى 

♥

instagram : _sparklista 

store: sparklista_store

| shop from amazon! طريقة التسوق من أمازون |

السلام عليكم ورحمه الله وبركاته ♥  

بهذي التدوينه بتكلم عن موقع امازون وطريقة الطلب منه .. السؤال اللي داايما تكرر علي من اول ما بديت اشرح عن التسوق اونلاين،، ف اتمنى يفيدكم وشرحي يكون بسيط وسهل ! 💪🏽

بالبداية راح تحتاجو اساسيات مهمه جدا ولاااازم تكون متوفره : 

١- ايميل .. اهم حاجه تقريبا انا اشوفها .. هو طريقه تواصل المواقع معك وعلشان تكونو عارفين اذا المبالغ انسحبت او الموقع شحن المنتج وغيره .. استخدمو ايميل واحد ويا حبذا لو تربطوه بجوالاتكم.. 

٢- بريد امريكي.. فيه كثير شركات توفر خدمات البريد العالميه ضمنها بريد امريكي وبريطاني وغيره.. خدمات مثل  myus/shop and ship/ world ship وغيرهم .. انا حاليا استخدم شوب اند شيب.. لو كنتو بتشحنو اغراض من اكثر من متجر افضل لكم تاخذون ورلد شيب او ماي يو اس لانهم بيرتبون الاغراض بكرتون واحد وبيوفر عليكم المبلغ .. 

البريد الامريكي وشركات الشحن موضوع جدا كبير بس ابدا ابدا ما صعب.. ما اقدر اشرحه بس راح احط لكم موقع وفيه طريقه فتح حساب لهذي الشركات وان شاء الله تستفيدو .. مدونه هناء مشروح فيها شرح مفصل وبسيط جدا .. 

خدمه وورلد شيب : http://www.tichno.com/e-shoping/shipping/world-ship-review

خدمه شوب اند شيب : http://e-tejara.com/كيفية-فتح-حساب-شوب-اند-شيب-عبر-الإنترنت/  // http://hanaa-badr.blogspot.com/2015/01/inglot-shop-ship.html  

خدمه ماي يو اس  : http://hanaa-badr.blogspot.com/2015/07/myus.html

لما يكون اللي فوق جاهز ،، كل حاجه بتمشي زين للي تحت 💕.. يالله بسم الله وهذي الواجهه لأمازون وعند شريط البحث ابحثو عن المنتج اللي تريدونه .. انا راح اطلب بور بنك انكر عليه تخفيض ممتاااز 😆(اساسا طلبته بس علشان اوريكم خطوات حقيقيه) بحط لكم الرابط تحت مع صوره المنتج لما استلمته 😍 

بعد ما القى المنتج واختاره راح اضغط على add to cart (اضافه لسله التسوق) 

فوق يمين موجوده cart وهي سله التسوق .. لو تضغطو عليها تلقو كل الاغراض اللي انتو طلبتوها .. 

بعد ما تخلصو كل اللي انتو تريدونه وخلاص مستعدين للدفع اضغطو على proceed to checkout

اللحين امازون راح يطلب منكم تسجلو عندهم .. لو كنتو مسجلين بس حطو الايميل والباسوورد نفس ما انا حطيت بالصوره .. اما لو كنتو بتفتحو حساب جديد فاضغطو على create your amazon account  

راح ياخذكم على صفحه التسجيل وعاد انتو تعبو نفس البيانات بالصوره (الاسم-الايميل-الباسوورد-تأكيد الباسوورد) بعد ما تخلصو اضغطو على create your amazon account 

راح ينقلكم اللحين لصفحه خيارات الشحن .. اللحين هنا راح تستخدمو البريد الامريكي وتعبو كل البيانات اللي عطوكم اياها شركه الشحن اللي موضحه بالصوره ( شركه الشحن راح تعطيكم هذي البيانات لا تكتبو عناوينكم الخاصه ببلدكم!) لما تخلصو اضغطو على ship to this adress 

راح ينقلكم مره الى صفحه خيارات الشحن علشان تختارو ايش نوع الشحن .. هل الستاندرد الاعتيادي (تقريبا ٥ ايام بس هو الارخص ) او شحن يومين او شحن يوم واحد وهو الاسرع بس له سعر ✋🏿.. 

واخيرا الدفع .. ما عندهم الدفع ب باي بال لذلك عبو باستخدام بطاقاتكم .. البيانات اللي تحتاجوها هو رقم البطاقه (اللي فوق) وتاريخ انتهاءها ومن ورا البطاقه الرقم السري يجي ٣ ارقام فقط .. وبس 🤗

اخر خطوه انكم تراجعو كل حاجه سويتوها بالخطوات السابقه العنوان والشحن وطريقه الدفع وكذا .. بعد ما تتأكدو ان كل شي صح اضغطو place your order وراح ينسحب المبلغ وتتم العمليه والحمدلله خلصنا 😻.. 

عاد لما توصل الشحنه لمقر شركه الشحن بأمريكا راح يرسلو لك ايميل على اساس انكم تدفعو مبلغ الشحن عشان يرسلو الشحنه لبلدكم .. تروحو وتدفعو من موقع شركه الشحن ويرسلو لكم الشحنه وخلاص ( شرح هذا الجزء ضمن شرح البريد الامريكي الرابط فوق) 👆🏻

♥♥♥♥

وبكذا خلصنا شرح امازون الحمدلله ،، لو فيه اي سؤال او استفسار انا حاضره ارسلو لي بالاسك او الانستا او هنا او الايميل بكيفكم 🤓..

اللحين البور بنك اللي اخذته كان عليه تخفيض ٤١٪ ونزل سعره من ١٧ ريال عماني الى ١٠ ريال عماني .. 

هذي صورته .. القوه مدري ويش اسمها  13000 ومن ميزاته انه يشحن الايفون ٦ خمس مرات وسامسونج جالكسي اس ٦ ثلاث مرات ونص .. فيه تقنيه الشحن السريع .. وحجمه صغير نسبيا وغيره من الميزات شوفوه ع الرابط العرض لسه موجود لو حابين فرصتكم تاخذوه 👌🏻.. يجي معاه الضمان والكيبل وحقيبه للحفظ .. 

http://www.amazon.com/Anker-PowerCore-13000-Portable-Charger/dp/B00Z9QVE4Q?ie=UTF8&psc=1&redirect=true&ref_=oh_aui_detailpage_o00_s00

وبس .. اتمنى انكم استفدتو .. اللي تطلب تزود لي ههههه .. امزح ☹️ وتابعوني على الانستجرام والتويتر والسناب وكل مكاان وخلاص واحبكم 

انتهى ♥

instagram : _sparklista

twitter : misssundus

snapchat: only via DM on instagram

| SOLEIL TAN DE CHANEL ♥ برونزر شانيل الكريمي |

السلام عليكم ورحمه الله وبركاته ♥ 

تدوينه اليوم بسيطه عن برونزر شانيل الكريمي (سوليل تان دي شانيل) SOLEIL TAN DE CHANEL .. 🌸

البرونزر درجه وحده بس وهي العالميه او universal .. لونه شوي مايل على الاورنج فما ينفع كثير للكونتور❣️ 

دمجه سريييع والنتيجه نااااعم وطبيعي ما كأنك حاطه اي شي.. كأنه برونز بشرتك الطبيعي يجنن 💕

بالنسبه للثبات فثباته عالي بالنسبه لمنتج كريمي .. ثابت ومطول عادي طول اليوم ما يتلاشى.. والكميه تشوفونها بسيطه بس تكفي كثيييير وسعره فيه ما يعتبر خساره عليه ابدا.. 💕

احب احطه على اطراف وجهي فقط ما احط كامل .. نفس اماكن الكونتور تحت عظمه الخد وعند الجبهه نتفه وتحت الفك المهم امشيه على شكل 3 (فوق - وسط - تحت) في وجهي وتطلع النتيجه نااعمه وحلوه واستخدم فرشه الكونتور او البفنج برش من مجموعه ريل تكنيك للوجه دمجهم حلو ومرتب👌🏼 .. 

طريقه ثانيه للبنات اللي يحبو يحطو كامل برونزر على الوجه ينفع هذا ويتوزع بفرشه كبيره كابوكي حركه سرييعه ويعطي لوك ديوي نضاااره وناعم .. 

هل انصح فيه؟ لو ميزانيتك تسمح وودك تقتني برونزر طبيعي ف ايوه ما راح

 تندمي المنتج جودته جدا جميله،، لو غير كذا فممكن تقتني اي برونزر من الدرج ستور 

اخذته ب ٢١ ريال عماني من @beauty_z0ne_

وبس .. اتمنى وفيت الشرح مع انه بسيط واشوفكم مره ثانيه بتدوينه جديده .. احبكم 

follow my instagram: _sparklista 

instagram store : sparklista_store

انتهى♥

|♥ empties ♥|

بسم الله الرحمن الرحيم ♥

بوست اليوم هو بوست ال empties ! اللي هو عباره عن تجميع للاغراض اللي خلصتهم ورأي بسيط عنهم  .. الاغراض ما كثيره .. احب البوست القصير صراحه لاني بنفسي امل لما يكون طويل وعسسى يكون بوست اليوم قصير وحلوو ههههه ♥

طيب انا قسمت المنتجات للعنايه وللبيوتي او الميك اب عشان يصير ارتب .. 

نبدي بالبيوتي بالترتيب حسب م نحطه على البشره .. 

برايمر بورفيشونال من بينيفت .. البرايمر عجييييب .. ممتاااز للمسامات ولا غلطه واعتقد الكل يعرفه بس نقطه مهمه جدا وذكرتها بالسناب قبل ان هذا البرايمر بالذات استخدامه اليومي يسبب مشاكل عظييييمه بالبشره ( ايوا عظيمه اخوفكم) لا تستخدموه يوميا لووو ما صار .. فقط للمناسبات والايفنتات والايام الطويييله .. اللي بالصوره ميني سايز اخذته من @lubna_boutiqe 

بي بي كريم جارنييه .. oldie but goodie .. كل من سألتني عن بي بي كريم يومي خفييف دوووم انصح فيه .. رووعه .. خفيييف ماي .. ثباته حلوو .. ما يسكر المسامات ابد وتغطيته ميديوم ممتااازه .. انصح فيه كإستخدام يومي .. واللي تعاني من مشاكل حبوب ومسامات.. اخذته من اللولو هايبر ماركت 

فاونديشن بورجوا هيلثي ميكس .. فصلت له ريفيو في الانستجرام .. رووعه روعه روعه .. يناسب كل البشرات .. تغطيته ميديوم قوي .. صراحه ولا غلطه احبببه هو وبودرته .. انصح فيه للي تريد فاونديشن يومي جدا جميل ويعطي لوك صحي ندي للبشره .. احببببببه .. تحصلونه بستاندات بورجوا بسنتربوينت وتوب نوت .. 

كونسيلر فيت مي من ميبلين .. خفيف .. تغطيته جمييله .. ما يكتل لو ثبتيه صح .. يومي .. احبه وما استغنى عنه .. تحصلوونه بستاندات ميبلين و كونسيلر la girl جميييل .. فول كفر .. استخدم الدرجه هذي للمناطق الغامقه مثل الهالات لان لونه ع برتقالي شوي .. جمييل ونزلت عنه ريفيو بالانستجرام ارجعو له .. 

فيكس بلس من ماك .. المنتج اللي بغيت انزل له ريفيو بس بعدين غيرت لانه ما اله داعي .. الكل يعرفه .. متعدد الاستخدامات .. ترشينه على الفرشه او الاسفنجه او الفاونديشن او قبل الميك اب يعطي لوك ديوي وصحي .. ترشينه على الايشادو والبيجمنت يعطي لون قوي .. ترشينه بعد الميك اب كاامل يشيل اللوك الباودري ويظهر الميك اب ناتشورال .. تستخدمينه للايشادو المكسور او البلشر او الاضاءه علشان تصلحينها .. كثير استخدامات كثيير وانصح فيه بقووه .. لو مترددين خذو العلبه الصغيره وجربو .. اخذته من ماك بالسيتي ..

ايلاينر ماستر برسايس من ميبلين .. اسوووود فاحم .. فرشته نحيفه .. ثباته جميله .. مسكته سهله .. انصح فيه وبقوووه للي تريد تتدرب على الكات ايز جدا جدا سهل ومريح .. تحصلونه بستاندات ميبلين بسنتربوينت وماكس.

وهذا السواتش له .. 

مسكارا من بورجوا اسمها تويست اب ذا فوليوم .. من اجمل مسكرات الدرج ستور .. اخذت لي باك اب على طوول .. جميييله .. تفرق الرموش وتطولهم .. ما تكتل وممكن تحطي اكثر من طبقه .. سوداااااا وتعطي فوليوم جدا جميييل للرموش .. احبها وانصحكم فيها .. 

لاحظو على الفرشاه .. من فووق عند الذهبي تحركوه ويتغير شكل الفرشاه .. شوفو الاماميه طولها اختلف عن الخلفيه .. تحصلونها بستاندات بورجوا..

خلصنا البيوتي اللحين العنايه .. 

لصقات جل لتحت العين والبقع من سيكريت كي الكوريه .. تكلمت عنه بالتفصيييل ف انستجرامي ارجعو للريفيو .. احبه واحياناا استبدله بكريمي الليلي .. وبعد احيانا احط كريم العين وفوقه اللصقه يطلع الترطيب دبل وباااارد .. اوفره في ستوري @sparklista_store وبعد تلقونه عند كل التاجرات اللي يوفرون منتجات كوريه. 

ميست الشعر من ذا فيس شوب .. مفترض يعطي لوك فريش للشعر مع لمعه واشياء ثانيه بس كل هذا ما شفته صار ع شعري .. كأني ارش ماي بريحه .. ما راح اخذه مره ثانيه 

كريم اليد من لوكستيان بزبده الشيا .. روعه ولا عمري جربت كريم يد كذا .. قوامه كريمي ثقيل .. ويرطب اليد من الخاطر تصير ناعمه وطريييه .. تكلمت عنه بالانستجرام ارجعو للريفيو واخذته من ايباي.. 

مرطبات الشفايف .. يمين من توني مولي .. رووعه .. مرطب وملون مثل التنت بنفس الوقت .. احد استخدمه الصبح للدوام وطلعاتي الخفيفه يعطي ايحاء بالامتلاء ومثل الجلوس لمعته جمييله .. اليسار مرطب من الفيس شوب .. اعتقد هذي رابع علبه .. احبه ،، طعمه لذيذ .. ترطيبه متوسط بس جميل وجدا جدا ناعم .. دايما اخذ الاحمر ما جربت لون ٢ صراحه ..

وبس .. كذا خلصنا موضوعنا .. ان شاء الله اشوفكم بموضوع ثاني .. احبكم 

• سباركليستا 

انتهى ♥