بسم الله الرحمن الرحيم ♥
الحمدلله رب العالمين اتممنا سنه ٢٠١٥ ،، فيها دروس وفيها تغييرات وتجديدات وان شاء الله كل شي للاحسن والافضل .. غلطت وتعلمت ،، تمشكلت وصححت المشاكل ،، كبرت سنه ،، واعتقد عقلت ههههه ،، واتمنى انكم حققتو وتعلمتو وانجزتو كل حاجه حلوه بهذي السنه ♥
المهم بدون تأخير ،، مثل ما شايفين بالعنوان تدوينه اليوم راح تكون عن افضل المنتجات بسنه ٢٠١٥ اللي جربتهم ومستعده اخذ منهم زياده ..
نبدي بمنتجات الوجه .. ♥
فاونديشن بورجوا هيلثي ميكس ، اجمل فاونديشن درج ستور ، صار لي استخدمه فوق السنتين من اول كان علبته بلاستيك وقطعوه ورجعو هذا ،، كفر ميديوم ، ناعم ، ثابت ، وما يجفف البشره او يدهنها زياده ع اللزوم ، جميل جدا وتكلمت عنه بالانستجرام شيكو على الريفيو..
بودرات الوجه ،، بودره انجلوت جميله وتغطيتها خفيفه ،، حبيتها بقوووه تمسك الفاونديشن وما تجفف وجهي ، صايره استخدمها يومي واثبت فيها الكونسيلر تحت عيني .. اما بودره بورجوا من اجمل بودرات الدرج ستور اللي مريت عليهم ،، جميييله ، كفر ميديوم ومتماسكه وثابته طووول اليوم .
بلشر ماركه MUA درجته cupcake ارسلته لي تاجره من فتره طوييله ما اذكر انستجرامها ،، يابنات صايره استخدمه يووووميا ،، نااعم ولونه مشمشي ع بينك يعطي مظهر خفيف وصحي ،، اللون ممتاااز للاستخدام اليومي ويندمج بسرعه ،، مشكلته شوي جاف وممكن يبقع لو ماحطيتي قبله باودر ..
اضاءه ماري لو الغنيه عن التعريف ،، لؤلؤيه وقويه .. كتبت ريفيو مفصل بالانستجرام ببوست ،، وايضا بوست ثاني قارنت الاصلي بالتقليد .. اخذتها من @sama_online
ماك فيكس بلس،، ما تكلمت عنه بالانستجرام لان علبتي خلصت وما حلوه اصور علبه فاضيه ،، بس معروف وغني عن التعريف .. ممتاز للبشره الجافه يعطي لوك ديوي ،، حلو كآخر خطوه للميك اب يخليه متماسك ويشيل اللوك الباودري .. واكيد اكيد ممتاز للبيجمنت والايشادو اللي تريدي توضحيه .. كتبت تدوينه عن توضيح الايشادو وطرقه (اضغطي هنا)
قلم الحواجب من انستازيا درجه دارك براون ،، صايره استخدمه يوميا وغني عن التعريف ،، يندمج بسرعه ، يعطي لوك ناعم وطبيعي ، نحيف وممكن تسوي شعره شعره وثااابت من سيفورا
منتجات العين .. ♥
باليت لوراك ،، الباليت الاساسي بنظري للمناسبات والاستخدام اليومي ،، انصح فيه بقووه .. كتبت تدوينه مفصله في الانستجرام واخذته من @saramakeup.online
الجل لاينرز ،، اولا من انجلوت ،، اسوود وقوي وثابت ،، جربته كم مره وحبيته ، كريمي بقوه .. ثانيا محبوووبي ايلاينر ميبلين ،، اسووود بقوه وثابت وجدا جميل من الدرج ستور ،، متفوق على كثير ماركات بنظري وانصحكم فيه كبدايه للي تريد تجرب الجل لاينر ..
الايلاينر السائل من ميبلين ،، فرشته ثابته ، لونه اسود وثباته حلووو ،، احب استخدمه للدوام وكإستخدام يومي لو ما استعمل جل لاينر ،، ممتاز للسفرات بدل الحوسه ..
مسكارا باد جال لاش من بينيفت ،، وصلتني مع مجموعه ميني ،، فرشتها متينه ملياانه شعر ،، جمييييله جميله حبيتها ،، تكثف وتصير رموشي حلووه وطويله وكثيفه .
منتجات الشفايف .. ♥
الحمر :
جيرارد كوزميتيك 1995
ماك rebel
كولور بوب peacocky اخذته من @lubna_boutique
فورايفر ٥٢ بدرجاته النيود ممتاز
محدد ماك soar
الجلوسات :
جيرارد كوزميتك rose hill / pouty princess
ذا بالم grrr!
المات ليبستيك :
كولور بوب bumble
نيكس san paolo
بالنسبه للمنكيرات اللي استخدمهم فهي اساسيه ،، توب كوت ودرجه نيود اسمها dulce de leche من opi
ودرجه رمادي من مكياجي انسألت عنها حرفيا كل مره احط المنكير رقمها ١٠٢ .. جدا جميييله وناعمه والمنكير جودته جميله وثابت..
اخيرا العطر اللي عرضت رايي فيه بالانستجرام من لورا مارسييه بالفانيليا ،، ناااعم وصباحي ،، جميل للي يعشقو الفانيلا .. صايره استخدمه يوميييا .. اخذته من الفرات @furat_perfumes
والشمعتين حبيييتهم جدا فواحات من باث اند بودي ووركس ،، مارشميلو فاير سايد وماري كوكي اللي اعتقد انها ليميتد ماني متأكده .. حلو لو تمرو المحل وتشموهم ..
وبكذا خلصنا مفضلات ٢٠١٥ ،، الحمدلله ،، اتمنى استفدتو وما طولت عليكم .. احبكم
مشكوررره ع أجمل مفضلات ..
ردحذفعيونك الجميله .. العفوو ♥
حذف