السلام عليكم
اليوم ان شاء الله اعلمكم كيف تصنعو منظم
للسلاسل.. اول مره اصنع حاجة كذا بس حبييت النتيجه وحبيت اشارككم فيها.
اولا الادوات اللي استعملتها:
1. فريم صوره قديم << على ذوقك
2. طبق فلين لين او اسفنج على حسب الموجود
3. قماش ابيض
4. جليتر ذهبي وفضي << على ذوقك وتنسيق غرفتك
5. غراء
6. طلاء اظافر ابيض او صبغ ابيض
7. طلاء اظافر شفاف م تستعمليه
8. مسامير
9. تعليقات اللي راح نعلق السلاسل فيها
10.
لصق سولوتيب و لصق
مسدس
الخطوة الأولى: غطيت الجزء المزهر ف الفريم
ب صبغ ابيض، انا استخدمت طلاء اظافر ابيض
الخطوه الثانيه: بعد ما جف اللون الابيض
حطيت غراء ووراه وزعت الجليتر الذهبي والابيض ( خلطت الاثنين عشان يطلع اللون
اهدى)
الخطوه الثالثه: بعد ما جف الغراء قلبت
الفريم عشان يطيح الجليتر الزايد وعدت على الاماكن اللي ما وصلها جليتر وبعده حطيت
منكير شفاف ما احتاجه عشان اثبت الجليتر وما يطيح
الخطوه الرابعه: قصيت الفلين اللين ما اعرف
وش اسميه على نفس قياس الفريم وبعده غطيته عدل بالقماش الابيض>> مش انا خخ اخوي ساعدني
الخطوه الخامسة: ف الخشب (يطلع اساسا ورا الفريم)
حددت الاماكن اللي اخرم فيهم عشان اثبت العلاق اللي راح تتعلق السلاسل عليه بعدين.
وبعده خرمت وثبتت العلاق.. العلاقات جبتهم من زينة قديمه . ممكن تستعملي علاق
تسريحه قديم او درج وممكن ما تستعملي علاق بمسامير عادي تلصقين اي غطا او حاجه
بنفس الشغله
ملاحظه مهمه :الفلين اللين والخشب الصقيهم
ببعض بلصق مسدس بعد ما تثبتي العلاق
الخطوه السادسه: حطيت الفلين اللين داخل
الفريم وتأكدت انه متثبت عدل عشان ما يطيح مستقبلا، دقيت كم مسمار يوصل من الفريم
ل الفلين وخلاص
والنتيجه النهائيه كذا،، مش شغل احترافي بس
نمشي الحال ونصنع بنفسنا اشياء مفيده ممكن تزيدي العلاقات او تغيري الالوان او ترسمي حاجه في القماش الابيض ،، كل شي بذوقك!، حطيت السلاسل الذهبيه وحدهم والفضيه وحدهم وراح اثبتها بالجدار .
اتمنى استفدتو وخذيتو كم فكره،، اللي تصنع مثله ترسل الصوره وبعرضها ان شاء الله،، خبروني لو تحبو مواضيع مثل هذي مستقبلا..
انتهى...
ليست هناك تعليقات:
إرسال تعليق